1. Буйлсын хүчил | Mandelic Acid Үйлчилгээ: Тослог, хольмог арьсанд зориулсан гуужуулагч Сүүлийн жилүүдэд гоо сайхны салбарт үр дүнтэй үйлчилгээг богино хугацаанд үзүүлэх чадвартай төрөл бүрийн acid буюу хүчил онцгой байр суурь эзлэх боллоо. Тэдгээрийн нэг бол манделик хүчил юм. AHA буюу альфа гидроксидийн хүчлийн зөөлөн хэлбэр болох манделик хүчил нь арьсыг гэмтээхгүйгээр үхэжсэн эд эсийг гуужуулах үйлчилгээ үзүүлдэг. Хэт их тос ялгаралтыг тэнцвэржүүлдэг. Гэхдээ анхаарах нэг зүйл нь acid буюу хүчил орсон бүтээгдэхүүнийг зөвхөн шөнийн арьс арчилгаанд хэрэглэнэ гэдэгийг мартахгүй байх хэрэгтэй. 2. Ретинол | Retinol Үйлчилгээ: Хөгшрөлтийн эсрэг Ретинол бол гоо сайхны салбарт хамгийн хүчирхэг найрлагын нэгээр нэрлэгдэж байна. Үрчлээнээс хамгаалж, арьсны өнгийг сэргээдэг шөнийн арьс арчилгаанд ретинолийг тогтмол хэрэглэснээр коллагены нийлэгжилтийг дэмжих, чөлөөт радикалуудаас хамгаалах үйлчилгээг давхар авах боломжтой. Арьсны өнгийг сэргээн, арьсыг нөхөн төлжүүлж, арьсыг цайруулсанаар сэвх нөсөө толбыг арилгах гайхалтай үйлчилгээтэй. 25-с дээш насны бүх хүмүүст зөвлөдөг.